Wo analyzy strowotnistwa w Budyskim wokrjesu diskutowali

Budyšin (SN/BŠe). Wokrjesny wuběrk Budyskeho wokrjesa zaběraše so wčera z analyzu stacionarneho strowotniskeho zastaranja. Posudźowar dr. med. Dirk Elmhorst předewzaća MEDIQON z Hannovera je wobšěrnje na prašenja přitomnych wotmołwił. Před dwěmaj tydźenjomaj bu analyza we wokrjesnym sejmiku wobjednawana a je dosć kedźbnosće zbudźiła. Zastupjerjo Kamjenskeje chorownje swj. Jana čujachu so nuzowani a su w rozmołwje z nowinarjemi swoje stejnišćo zakitowali a plan do přichoda předstajili.