Rowniske glosy wobsteja 20 lět

štwórtk, 05. nowembera 2026
artikl hódnoćić
(0 )
Ze swjedźenskim programom a zabawnym popołdnjom je spěwna skupina Rowniske glosy minjenu njedźelu w Rownom w kruhu mnohich hosći swoje 20lětne wobstaće woswjećiła.  Foto: Jost Schmidtchen Ze swjedźenskim programom a zabawnym popołdnjom je spěwna skupina Rowniske glosy minjenu njedźelu w Rownom w kruhu mnohich hosći swoje 20lětne wobstaće woswjećiła. Foto: Jost Schmidtchen

Rowno (JoS/SN). Spěwna skupina Rowniske glosy je minjenu njedźelu na Rownjanskim Njepilic statoku swoje 20lětne wobstaće woswjećiła. Z podpěru Dany Kavelmann a dweju spěwarkow ze Slepjanskeho serbskeho folklorneho ansambla předstaji pjeć žonow přewšo poradźeny swjedźenski koncert ze serbskimi a němskimi pěsnjemi. Po programje wjedźeše Ruth Mrozkojc, kotraž na stawizny Rownjanskich glosow dopominaše.

W lěću 2006 bě Njepilic statok swoje 200lětne wobstaće swjećił. Zdobom wotzamknychu tehdy jeho saněrowanje. Zo by tónle podawk wobrubiła, narěča Marita Kavelmann wjacore žony, kotrež Rowniske glosy załožichu. Swój prěni wustup mějachu tehdy w swjedźenskim ćahu. Wot toho časa je skupina kruty wobstatk kulturneho žiwjenja Slepjanskeje wosady. Mjez druhim su w Rownom jutrowne spěwanje wožiwili. Wuměłski nawod měještej prěnje lěta Róža Šenkarjowa a Ingrid Naglowa. Lěta 2009 wuńdźe serbska zběrka Slepjanskich basnjow a spěwow. Z njeje wonej někotre spěwy wupytaštej, tak zo so zaso w zjawnosći jewjachu. Přiběrajcy Rowniske glosy tež w slepjanskej serbšćinje spěwachu.

wozjewjene w: Łužica
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo