Poražka pola sylneho hosćićela

póndźela, 29. apryla 2019
artikl hódnoćić
(0 )
Hrajna scena z winowatostneje dypkoweje hry mjez ST 1922 Radwor a TSV Połčnicu.  Foto: Werner Müller Hrajna scena z winowatostneje dypkoweje hry mjez ST 1922 Radwor a TSV Połčnicu. Foto: Werner Müller

Drohotka Ramnow – ST 1922 Radwor 4:1 (2:1)

Zestawa hosći: Jendrewski – Henka, Reineke, Šołta, Nuk, Wjeńka, Omran, Kral, Glücklich (45. Jatzwauk), Zähr, Pečak (45. Bauer)

Jako Radworčenjo do Ramnowa dojědźechu, bě zwotprědka jasne, zo su koparjo hosćićela jasny faworit, wšako hraja tući technisce dobru a wuspěšnu kopańcu a njesteja bjez přičiny w hornjej třećinje tabulki. Domjacy cyłk hnydom po starće do duela hru dominowaše. Hižo po dźewjeć mjeńšinach klinkaše we wrotach Juliusa Jendrewskeho, dokelž zaspachu hosćo z Radworja start kompletnje. Hakle po wrotach dopomnichu so Ra­d­worscy koparjo, zo móža tež tróšku kopańcu hrać a zo maja tež wuspěch, hdyž spytaja z kombinacijemi před wrota přećiwnika přińć. Tak trjechi Stephan Reineke w 33. mjeńšinje po přihrawce Mateja Wjeńki z něhdźe 16 metrow do kuta. Tola tuta kombinacija bě tež hižo jenički highlight Radworskich w prěnim połčasu. Hižo štyri mjeńšiny pozdźišo smědźachu zaso domjacy wyskać, jako trjechichu k 2:1. Z tutym mjezyrezultatom podaštej so cyłkaj do přestawki.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND