Krótkopowěsće (05.01.21)

wutora, 05. januara 2021
artikl hódnoćić
(0 )

Wosom smjertnych padow

Budyšin. W Budyskim wokrjesu su wčera 60 nowych koronanatyknjenjow zwěsćili. Ličba smjertnych padow rozrosće wo wosom na 329. Wot 2 053 (-22) schorjenych lěkuja 115 w klinice (+14). Zhorjelski wokrjes informowaše wčera wo dźewjeć nowych infekcijach. Tamniša incidenca wučinješe 368,78, w Budyskim wokrjesu 401,3.

Za předsydku SŠT

Chrósćicy. Katharina Jurkowa, rěčnica regiona župy Kamjenc „Michał Hórnik“, kandiduje za předsydku Serbskeho šulskeho towarstwa. Wosom požadarjow ­za nowe předsydstwo, z kotrychž staj dwaj z Delnjeje Łužicy, je so na to do­jednało. Na naprašowanje našeho wječornika Jurkowa zdobom wobkrući, zo je Załožba za serbski lud přizwoliła financować dźěłowe městno hłownohamtskeho jednaćela SŠT.

Snadnuški postup sezony dla

Budyšin. W decembrje 2020 bě we wuchodnej Sakskej 18 135 bjezdźěłnych, to je 379 resp. 2,1 procent wjace hač w nowem­brje. Kaž Budyska wotnožka agentury za dźěło dźensa wozjewi, jedna so wo snadnuški postup sezony dla. Po­srědkowarjam agentury je 4 598 socialneho zawěsćenja winowatostnych dźěłowych městnow k dispoziciji. To je 252 mjenje hač w decembrje.

wozjewjene w: Krótkopowěsće
Prošu přizjewće so, chceće-li komentar podać

słowo lěta 2020

nawěšk