Incidenca dale přiběra

Budyšin. Gmejna Chrósćicy je po informaciji sakskeho socialneho ministerstwa jenička komuna w Budyskim wo­krjesu, hdźež njebě w minjenych sydom dnjach žane nowe natyknjenje z koronu. We wo­krjesu registrowachu wčera 271 infekcijow a dwaj smjertnej padaj. Dźensniša in­ci­denca po RKI je 255,2. Wokrjes Zhorjelc wozjewi wčera 157 infekcijow a dweju zemrěteju. Incidenca po RKI je tam 208,5.

Tež lětsa žane chodojtypalenje

Budyšin. Chodojtypalenje je „ludowy nałožk“, kotryž so – hinak hač křižerske procesiony, kotrež přirjaduja wobłukej nabož­nych tradicijow – pod wuměnjenjemi runje podlěšeneho lockdowna wotměć njesmě. To wuchadźa z wče­rawšeje zdźělenki Budyskeho krajnoradneho zarjada. Zymu zhromadnje z wulkim wohenjom rozžohnować tuž druhi raz za sobu wupadnje.

Sypaja wapno do wody