Najlěpši třělc wostanje w Budyšinje

póndźela, 19. apryla 2021
artikl hódnoćić
(0 )
Tom Hagemann je w sydom hrach sezony 2020/2021 wosom wrotow trjechił a je najlěpši třělc krajneje ligi. Strašny nadběhowar, kiž bě 2019 wot Biskopičanskeho koparskeho towarstwa přišoł, wostanje dalše lěto w Budyšinje.  Foto: Torsten Zettl Tom Hagemann je w sydom hrach sezony 2020/2021 wosom wrotow trjechił a je najlěpši třělc krajneje ligi. Strašny nadběhowar, kiž bě 2019 wot Biskopičanskeho koparskeho towarstwa přišoł, wostanje dalše lěto w Budyšinje. Foto: Torsten Zettl

Kapitan Hagemann hraje dale w čorno-běłych barbach krajneho koparskeho ligista Budissy

Kopar Tom Hagemann, kiž tabulku třělcow wrotow w přetorhnjenej hrajnej dobje­ w krajnej lize z wosom wrotami nawjeduje, je njedawno swoje zrěčenje z krajnym koparskim ligistom Budissu Budyšin wo jedne lěto podlěšił. Pokazał je tak sylne znamjo za swoju zwjazanosć ze sportowym towarstwom sprjewineho města. Mustwo a zamołwići Budissy derje wědźa, što na nim maja, dokelž słuša k najwažnišim rutinjejam koparskeho kluba. 26lětny njeje jeno za swoje kwality nastupajo wotzamknjenja před přećiw­niskimi wrotami znaty. Wón swój team tež mentalnje jara skruća.

Hač do lěta 2016 móžeše wuběrny srjedźny nadběhowar swoje kmanosće na přikład pola U 19 a druheho zastupnistwa Dynama Drježdźany wuwiwać, prjedy hač dźěše k Biskopičanskemu koparskemu towarstwu, hdźež je dohromady tři lěta za bulom honił.

wozjewjene w: Sport

Galerija

dalši wobraz (1) Max Rülicke
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND