Jannik Käppler přewozmje

srjeda, 20. julija 2022
artikl hódnoćić
(0 )
 Florian Baudisch  Foto:  Budissa Budyšin Florian Baudisch Foto: Budissa Budyšin

Jannik Käppler je jako bywši dorostowy hrajer, sobudźěłaćer medijoweho teama a aktualny hrajer muži w towarstwje połnje zakótwjeny a nosy DNA Budissy Budyšin we sebi. Tak so za nadawki w zarjedźe najlěpje hodźi. Wot 1. julija je wón nawoda zarjada FSV Budissy Budyšin. Prezidij je na swojim minjenym posedźenju nastupajo personaliju stejišćo zabrał: „Wjeselimy so jara, zo móžachmy Jannika Käpplera za tónle nadawk zdobyć. Wón znaje towarstwo hižo z najzažnišich dnjow dźěćatstwa, je hižo dwě lěće jako hrajer 1. mustwa muži zasadźeny był a je minjenu sezonu jara wuspěšnje na wonkownym wobrazu našeho towarstwa sobu skutkował. Chcemy z nim přichodny krok hić a wjeselimy so na to. Ze studijom sportoweho managementa ma wón teoretiski knowhow, kotryž móže nětko pola nas do praksy přesadźić. Runočasnje dźakujemy so Renéjej Meißnerej, kiž budźe so nětko zaso dospołnje na swoje předewzaćelske nadawki koncentrować móc“, rěka w nowinskej zdźělence Budissy.

wozjewjene w: Sport

Galerija

dalši wobraz (1) Jannik Käppler
Prošu přizjewće so, chceće-li komentar podać

Serbska debata

nowostki LND