Planowanje z wulkim deficitom

Budyšin. Po tuchwilnym stawje dyrbi Budyski wokrjes při planowanju wokrjesneho budgeta 2023/2024 z deficitom 134,6 milionow eurow ličić. Budget 2023/2024 a planowanje financow hač do 2027 tuchwilu zakonskim postajenjam po Sakskim gmejnskim porjedźe njewotpowědujetej. Wo tym informowaše prěni přirjadnik Jörg Szewczyk wčera na posedźenju wokrjesneho sejmika.

Přihoty na Europeadu rozjimali

Budyšin. Něhdźe dźesać akcijow je lětsa w přihotach na Europeadu 2024 předwidźanych. Su to testowe hry, treningi a mustwowe zetkanja, informowaše referent Domowiny Clemens Škoda wčera po prěnim, online přewjedźenym wuradźowanju přihotowanskeho wuběrka. Cyłk bě Zwjazkowe předsydstwo Domowiny minjeny pjatk powołało. Lětuše přihoty stejachu wčera w srjedźišću.

Domaška z nowym zastojnstwom