Pytaja za přičinu njezboža

Budyšin. Po smjertnym njezbožu artistki při předstajenju cirkusa w Budyšinje pytaja fachowcy za přičinu. Wčera bě sej statne rěčnistwo, přemysłowy zarjad a powołanske drustwo městno njezboža wobhladało. Wšitke nastroje kaž trapec a přisłušace powjazy su zawěsćene, rěčnik policije zdźěli.

Budyšanka medalju dóstała

Budyšin. Mjez wuznamjenjenymi medalje swj. Hany w Sakskej je lětsa Budyšanka Brigitte Schmerder. Wčera je wona medalju w Drježdźanskim hrodźe Albrechtsberg­ přijimała. Wjace hač 30 lět angažuje so wona čestnohamtsce při telefonje. Na nju móža so ludźo z dušinymi ćežemi wobroćić. 85lětna je za team w Zhorjelcu wažna. Schmerder dokumentuje rozmołwy digitalnje a posrědkuje swoje žiwjenske nazhonjenja kolegam.

Tež „Budyski rukopis“ wustajuja