Za druhi kurs so přizjewić

Budyšin. Zajimče a zajimcy móža so wotnětka hač do 26. oktobra za druhi kurs serbšćiny programa „Domoj“ přizjewić. Kurs traje dźewjeć měsacow a startuje klětu wot spočatka apryla. Prěni kurs z dwanaće wobdźělnikami je dotal jara wuspěšny. Hižo wot apryla wuknu wobdźělnicy w rěčnym hnězdźe we Wulkich Zdźarach serbsce.

Apeltowu do gremija powołał

Choćebuz. Regionalna rěčnica župy Delnja Łužica Heike Apeltowa je nowa čłonka dźěłoweje skupiny „Serbske pomniki města Choćebuz“. Domowina je ju namjetowała a Choćebuski wyši měšćanosta Tobias Schick (SPD) je ju nětko do gremija powołał. Na kwartalnym posedźenju kónc septembra je so dźěłowa skupina zdobom na dalše dźěłowe ćežišćo dorozumiła. Najwažniše je, serbske kulturne swědčenja w měsće zachować.

Žane změny na wikach