Dźiwadło pyta statistow

Budyšin. Budyske Němsko-Serbske ludowe dźiwadło pyta statistow za lětuše předstajenja lěćneho dźiwadła. Zajimcy měli znajmjeńša 18 lět stari być a wjeselo nad dźiwadźelenjom měć. W najlěpšim padźe su sami hižo raz na jewišću stali. NSLDź přeprošuje jich pjatk, 20. měrca, popołdnju na casting. Kandidaća měli so do toho pod přizjewić.

Próstwy za projekty zapodać

Budyšin. Załožba za serbski lud w swojim aktualnym wokolniku na to skedźbnja, zo maja so próstwy wo spěchowanje projektow wot lětušeho julija do decembra hač do kónca měrca zapodać. Próstwy, kotrež hakle po tym na załožbowym zarjedźe dóńdu, njemóža tam hižo wobkedźbować. Detaile su na internetnej stronje załožby wozjewjene a zarjad pomha při wšěch prašenjach.

Jehnjace mjaso přetunje