Stawkuja šoferojo busow?

Budyšin. Po informaciji Radija Łužica měli wot jutřišeho chiba zajutřišeho tež w Hornjej Łužicy z warnowanskimi stawkami w bliskowobchadźe ličić. Dźěłarnistwo ver.di chce jutře třeće koło tarifowych jednanjow dočakać. Dotalny poskitk dźěłodawarjow, mzdu hač do junija 2028 w třoch kročelach wo 1,6, 1,7 a 1 procent zwyšić, dźěłarnistwo wotpokazuje.

Prezentuja jězorinu na ITB

Zły Komorow. Turistiski zwjazk Łužiska jězorina wobdźěli so na lětušich turistiskich wikach ITB w Berlinje, kotrež so dźensa zahaja. Na „Dnju bjezbarjerneho turizma“ předstaja zamołwići jutře něhdźe 600 fachowcam bjezbarjerne poskitki we wobłuku turizma na wodźe. „Bjezbarjernosć njeje připlack, ale wuraz kwality turistiskeho poskitka“, jednaćelka zwjazka Kathrin Winkler wuzběhny.

Mjenje železniskich čarow