Zarjad z nowej nawodnicu

Budyšin. Dźěłowy zarjad wokrjesow Budyšin a Zhorjelc ma nowu nawodnicu. Anja Schilling je funkciju 1. měrca přewzała. Wona dźěła hižo 25 lět za zarjad a ma so nětko wo problemy w regionje starać. Jedyn z hłownych nadawkow budźe změna strukturow, kotraž zawinuje nětko hižo kwotu bjezdźěłnych we wysokosći 7,5 procentow.

Serbske temy bóle integrować

Budyšin. Budyska župa „Jan Arnošt Smoler“ je so wčera z předsydu Domowiny Dawidom Statnikom a ze zjednoćenstwom wodźerjow po sprjewinym měsće zešła. Předewšěm dźěše wo to, kak bychu so serbske temy hišće lěpje mjez druhim při wodźenjach po měsće wobkedźbować hodźeli. Serbscy akterojo pokazachu w tym zwisku na Serbsku kulturnu informaciju, Smolerjec kniharnju a Serbski muzej.

Zastaranje z wodu rozrisaja