Spřisahanje Domaški so dliji

Njebjelčicy. Přećiwo wólbam wjesnjanosty gmejny Njebjelčicy je na krajnoradnym zarjedźe spřećiwjenje dóšło. Kaž zarjad na naprašowanje Serbskich Nowin zdźěli, spřećiwjenje pruwuja. Po tym je hišće měsac chwile, přećiwo pruwowanju skóržbu zapodać. Dołhož njeje proces zakónčeny, njeje wólbny wuslědk płaćiwy a spřisahanje Měrka Domaški móžne, tak krajnoradny zarjad.

Proša wo pjenježnu podpěru

Drježdźany. Z pomocu crowdfundinga zběra serbske towarstwo „Stup dale“ w Drježdźanach pjenjezy. Kaž předsyda Chrystof Cyž zdźěli, su w serbskej dnjowej skupinje přemało dźěći dla wjacore městna njewobsadźene. Tak nastaty financny deficit wučinja za lěto 2026 dohromady 30 000 eurow. Falowace pjenjezy chce towarstwo z darow priwatnych podpěraćelow nazběrać. Dotal je 4 000 eurow dóšło.

Slědźa za přičinami wuludnjenja