Na Smolic statoku aspekty regionalneje twarskeje kultury rozjimali
Hórki (SN/MiP). Regionalny běrow Leaderoweho regiona Hornjołužiskeje hole a haty (OHTL) je wčera popołdnju na zjawne zarjadowanje k temje „Regionalna twarska kultura“ na Smolic statok do Hórkow přeprosyło. Z něhdźe 40 wopytowarjemi běše schadźowanska rumnosć połnje wobsadźena. „Cyle wědomje smy so rozsudźili, zo zarjadowanje na tutym městnje přewjedźemy, wšako je statok najlěpši wuraz wudźeržliweje regionalneje twarskeje kultury“, wuzběhny André Steffen Köhler, organizator kaž tež moderator popołdnja. Smolic statok bu w lěće 2023 we wobłuku Sakskeho statneho myta za twarjenje na wsy z připóznawanskim mytom wuznamjenjeny.
Minjene póndźele wotmě so we wobłuku akcije „Happy monday – wjesoła póndźela“ dohromady wosom zarjadowanjow mjez druhim z koncertami, rejemi a přednoškami na wjacorych naměstach Budyšina. „Wulki finale“ wuhotuja organizowace něhdźe 50 towarstwow a iniciatiwow w „trochu rozšěrjenym formaće“.Budyšin (SN/bn). Na Hłownym torhošću sprjewineho města předstaja přichodnu póndźelu dohromady tři skupiny „pisany program, wopřijimacy indie pop, beat, rock a serbski brass“. Po medijowej zdźělence organizatorow zahraja Šwintuchi – „młodźi hudźbnicy z Chrósćic a wokolnych wsow“ – serbske ludowe spěwy w „dospołnje nowym zwukowym šaće“. Band Die Baumschule, wurostła z dorostoweho spěchowanja towarstwa Kamjentny dom, chce publikum mjez druhim ze swojim hitom „In Bautzen wird die Mate knapp“ zahorić. Prěni raz prezentuje skupina Zynkofunk zwonka lětušeje inscenacije Němsko-Serbskeho ludoweho dźiwadła „Na tamnym boku měsačka – Hercy“ swoje adapcije w 1960ych lětach nastatych spěwow „prěnjeje serbskeje bea ...
TSV 90 Wjazońca –SJ Chrósćicy II 6:1 (1:0)Zestawa hosći: Škoda – K. Mark, Zynda, Kola, T. Donat (71. Klemenc), Handrik (61. Liznar), Wornar, Wencel (76. M. Mark), Žur (61. Paška), Domaška, Zahrodnik (76. B. Donat)Na poslednju hru sezony 2023/24 poda so rezerwa Chróšćanskeje SJ do Wjazońcy. Za wobě mustwje běše městno w tabulce hižo skrućene a tak móžachu bjez ćišća do bula kopać. Trenar Chróšćanow namołwi swojich hrajerjow najebać toho so hišće raz z połnej koncentraciju do hry podać, zo bychu móhli druhu połseriju z wuspěchom zakónčić.
Ameriski weteran Druheje swětoweje wójny Bill Wall je wčera na brjoze Atlantika w Normandiji w Francoskej na tak mjenowanym Utah Beach róžu do wody ćisnył. Runje tam bě wón ze swojimi towaršemi 6. junija 1944 němske zakitowanske zepěranišća nadběhował. Na swjatočnosći wobdźělichu so weteranojo USA, Wulkeje Britaniskeje a Kanady. Foto: dpa/Jeremias Gonzalez
Chwačan jěchanske towarstwo ma nowu připrawu za napojenje koniChwaćicy (UM/SN). Woltižěrowanske a jěchanske towarstwo Chwaćicy je sej dawne přeće spjelniło: awtomatiske napojišćo za swoje konje. Dotalny wodowy system běše jara stary a je w zymje prawidłownje zamjerznył. Nětko dóstawaja konje swoju wodu po potrjebje, awtomatisce, ručež z klamu na knefl stłóča.
Kulow woswjeći „400 lět Janko Šajatović“Swoje poslednje žiwjenske lěta je Janko Šajatović přewažnje we Łužicy skutkował. Wot lěta 1691 do 1704 bydleše wón na wuměnku we Wulkich Zdźarach. Chorwatski obrist Janko Šajatović (1624-1704), historiska wosoba, kotraž je mnohim awtoram zakład jich powědkow wo Krabaće, je we Łužicy daloko sahace slědy zawostajiła. Kulow dopomina wot 14. do 16. junija ze swjedźenskim kóncom tydźenja na 400. narodniny Šajatovića. Wo nastorku, motiwaciji a wobsahach je so Andreas Kirschke z koordinatorku Beatu Hufnagel rozmołwjał.Što je motiw za město Kulow swjedźenski kónc tydźenja wuhotować?B. Hufnagel: Krabata jako mytisku figuru mnozy ludźo znaja, Janka Šajatovića porno tomu pak wo wjele mjenje. Dźakowano Hansej-Jürgenej Schröterej, kiž je wo Šajatoviću slědźił, wěmy, zo je so wón jako historiska wosoba z protagonistom powěsćow stał. Na to chcemy přichodnje bóle dopominać.Što zwjaza Šajatovića z Kulowom? ...
