Złota medalja za Saksowku Denise Herrmann

wutora, 08. februara 2022
artikl hódnoćić
(0 )
Přewšo zbožowna Denise Herrmann wjeseli so nad swojej złotej medalju, kotruž bě sej w biatlonje po 15 kilometrach zdobyła.  Foto: pa/AP/Frank Augstein Přewšo zbožowna Denise Herrmann wjeseli so nad swojej złotej medalju, kotruž bě sej w biatlonje po 15 kilometrach zdobyła. Foto: pa/AP/Frank Augstein

Peking (JBo/SN). Denise Herrmann z Oberwiesenthala je olympiska dobyćerka w biatlonje na distancy 15 ki­lometrow. Z wu­běrnym wukonom a po jenož jednym chłostanskim kole zawěsći sej wona zdobom druhu złotu medalju za Němsku při lětušich Olympiskich zymskich hrach. Dalša němska wubědźowarka w biatlonje, Vanessa Voigt, bě medaljowe městno jenož snadnje zapasła, wona bu na kóncu štwórta.

Mjenje zwjeselace powěsće za Němsku běchu z miksoweho sněhakowarskeho skakanja wušli. Tam su Katharinu ­Althaus sportoweho wobleka dla, kotryž njewotpowědowaše regulam, diskwalifikowali. Z tym běchu wšě nadźije němskeho skakanskeho mustwa na medalju zhubjene. Tež tři dalše mustwa běchu wot tutoho dóńta potrjechene. Na kóncu dobychu sobufaworića ze Słowjenskeje.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND