Němscy sněhakowarscy skakarjo sej bronzowu medalju wuwojowali

wutora, 15. februara 2022
artikl hódnoćić
(0 )
Karl Geiger, Markus Eisenbichler, Stephan Leyhe a Constantin Schmid (wotlěwa) su sej w mustwowym skakanju z přewšo snadnym wotstawkom 40 centimetrow před Norwegčanami bronzowu medalju zawěsćili.  Foto: dpa/Yosuke Hayasaka Karl Geiger, Markus Eisenbichler, Stephan Leyhe a Constantin Schmid (wotlěwa) su sej w mustwowym skakanju z přewšo snadnym wotstawkom 40 centimetrow před Norwegčanami bronzowu medalju zawěsćili. Foto: dpa/Yosuke Hayasaka

Medaljowy špihel

Staw po 76 ze 109 rozsudow:

   z s b

1. Norwegska  11 6 7

2. Němska  8 5 2

3. USA   7 6 4

4. Awstriska  6 6 4

5. Nižozemska  6 4 3

6. China  6 4 2

7. Šwedska  5 3 3

8. Šwicarska  5 0 5

9. Ruski OC  4 7 9

10. Francoska  3 7 2


Peking (JBo/SN). Němska lodohokejowa wubranka je dźensa rano w Pekingu štwórćfinale Olympiskich zymskich hrow zapasła. Wona podleža Słowakskej z 0:4 a dyrbi nětko swoje kófry pakować.

W fulminantnym finalu na wulko­skakanišću Zhangjiakou móžachu sej němscy sněhakowarscy skakarjo wčera bronzowu medalju zawěsćić. Kwartet Karl Geiger/Markus Eisenbichler/Ste­phan Leyhe/Constantin Schmid je wu­bědźowanje ze snadnym wotstawkom 40 centimetrow před Norwegčanami zakónčił. Druhe městno wuwojowachu sej Słowjenjo. Najlěpši běchu Awstričenjo.

Trochu mjenje zboža měješe 23lětna ­Laura Nolte w monobobje. Wona je najebać solidne předstajenje medaljowe městno jeničce wo 0,28 sekundow zapasła. Prěnja bu Američanka Kaillie Humphries. Nowa olympiska dobyćerka w ski-freestylu rěka Xu Mengtao. Chinjanka docpě tu 108,61 dypkow.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND