Změny porjada koparskeho zwjazka

štwórtk, 06. julija 2023
artikl hódnoćić
(0 )
W Chrósćicach chcedźa tež w hrajnej dobje 2024/2025 kopańcu na krajnej runinje dožiwjeć. Za to pak dyrbja so w sezonje 2023/2024 prócować, wšako chce Sakski koparski zwjazk stafle w krajnej klasy redukować.  Foto: Mia-Katarina Hrjehorjec W Chrósćicach chcedźa tež w hrajnej dobje 2024/2025 kopańcu na krajnej runinje dožiwjeć. Za to pak dyrbja so w sezonje 2023/2024 prócować, wšako chce Sakski koparski zwjazk stafle w krajnej klasy redukować. Foto: Mia-Katarina Hrjehorjec
Sakski koparski zwjazk (SFV) je wjacore změny w swojim porjedźe předstajił, kotrež wot 1. julija płaća. Hry na poslednimaj hrajnymaj dnjomaj dyrbja so w kóždej lize runočasnje wuhrać. Wotchilenja su we woprawnjenych wuwzaćnych padach móžne. Kontingent změnow kóždeho mustwa powyši so wot štyrjoch na pjeć hrajerjow, pola žonow, muži a tež w młodźinje A. Za to pak w partijach z móžnym podlěšenjom žana přidatna změna wjac móžna njeje. Oficialni zamołwići mustwa su wotnětka nastupajo płaćiwosće wosobinskich chłostanjow hrajerkam/hrajerjam kompletnje runostajeni. Jednu hru wusadźić dyrbiš nětko tež po druhim chłostanju w hrě halowych mišterstwow. Wot 1. junija su partije mustwow młodźiny B přećiwo žónskim mustwam dowolene, ale juniorojo starobneje klasy młodźina C we wotpowědnym mustwje młodźiny B sobu hrać njesmědźa. Dale so wotběh po kóncu koparskeje hry precizuje. Wotběh je: zapis wuslědka přez sudnika, kontrola wobeju mustwow, wopodstatnjenje sudnika, wopodstatnjenje wobeju mustwow hač do 18 hodź. (nanajpozdźišo hač do 60 min. po hrě).
wozjewjene w: Sport
Prošu přizjewće so, chceće-li komentar podać

Serbska debata

nowostki LND