Wysoka poražka na spočatku noweje hrajneje sezony

srjeda, 02. awgusta 2023
artikl hódnoćić
(0 )
Maksimilian Zahrodnik (2. wotlěwa, Chrósćicy) je runje hišće zhromadnje z Richardom Pašku (zady naprawo, Chrósćicy) wrota Biskopičanow nadběhował. Po tym pak dźěše hra hnydom zaso směr Chróšćanskich wrotow.  Foto: Mia-Katarina Hrjehorjec Maksimilian Zahrodnik (2. wotlěwa, Chrósćicy) je runje hišće zhromadnje z Richardom Pašku (zady naprawo, Chrósćicy) wrota Biskopičanow nadběhował. Po tym pak dźěše hra hnydom zaso směr Chróšćanskich wrotow. Foto: Mia-Katarina Hrjehorjec

SJ Chrósćicy – Biskopičanske KT II 0:5 (0:0)

Zestawa domjacych: Králíček (46. Škoda) – Mark, Runt (46.Rätze), M. Zahrodnik, Kreuz, Matješk, G. Zahrodnik, Hawš, L. Zahrodnik, Młynk, Paška

Prěni test za přihot noweje hrajneje doby wotmě so za koparjow SJ Chrósćicy pjatk na domjacym trawniku přećiwo rezerwje Biskopičanskeho KT. Dowola a zranjenja dla falowachu mnozy hrajerjo pola SJC. Hosćo běchu w zašłej hrajnej dobje we wokrjesnej wyšej lize druhe městno docpěli a so z wokrjesnym pokalnym dobyćerjom stali.

Wot spočatka wotmě so wotewrjena hra. Domjacy spytachu so přeco zaso přez křidle kombinować a tak k šansam dóńć. Tola spočatnje sej wobaj cyłkaj dobre šansy wuhrać njemóžeštej. Rezerwa Biskopičanow pokaza dobre kombinacije a pytaše tak puć k wrotam. W prěnim połčasu pak přihladowarjo hišće wjele wrotowych situacijow njewidźachu. Najlěpšu šansu za SJC měješe Gabriel Zahrodnik. Tola wrotar hosći bul z dobrym refleksom k róžkej wotwobara.

wozjewjene w: Sport
Prošu přizjewće so, chceće-li komentar podać

Serbska debata

nowostki LND