FC Energija Choćebuz –

FC Ingolstadt 1:4 (1:1)

Zestawa FC Energie Choćebuz: Bethke – Hasse (79.Halbauer), Kusić, Pelivan, Bretschneider, Borgmann (90. Campulka), J. Hofmann (73. Proničew), Ciğerci, Copado (90. Hajrulla, Engelhardt, Thiele

wrota: 0:1 Malone (26.), 1:1 samowrota Keidel (36.), 1:2 Gröning (66.), 1:3 Deichmann (90.+2), 1:4 Zeitler (90.+4)

Po překwapjacym dobyću 3:1 w Rosto­cku buchu pola FC Energije a přiwisnikow hač dotal hižo wusnjene sony wo móžnym postupje do druheje zwjazkoweje ligi zaso zbudźene.

Puć do relegacije přećiwo předpředposlednjemu druheje ligi by sej FC Energija z jasnym dobyćom přećiwo Ingolstadtej zmóžniła. Dokelž pak njemóžeše FC Energija Choćebuz tutu šansu wužić, wupřestrěwaše so po wothwizdanju a poražce 1:4 wulka zrudoba.

FC Energija namaka drje spěšnje do hry, tola nic jim, ale hosćom poradźi so překwapjace nawjedowanje. Krótko do přestawki trjechi Ingolstadt znowa, tónraz pak do swójskich wrotow. Z remisom dźěše tuž do přestawki.