Liča z dwubojom mjez CDU a AfD při wólbach w Saksko-Anhaltskej
Wörlitz (dpa/SN). W politiskim boju přećiwo AfD čuje so saksko-anhaltski ministerski prezident Reiner Haseloff wot druhich stron wopušćeny. „Njemóžu sam wšitke procenty wróćo zdobyć, kotrež je nam AfD wotewzała“, rjekny načolny kandidat CDU za wólby krajneho sejma, kotrež budu njedźelu, rozhłosownikam w saksko-anhaltskim Wörlitzu. Njemóže nadawk jednoho muža a jedneje strony być, „problem z AfD w Saksko-Anhaltskej a w Němskej rozrisać“.