Premjera baleta „W stwičce“ přeswědči tež z choreografijemi ...
Prěnja baletna premjera Serbskeho ludoweho ansambla tuteje hrajneje doby „W stwičce“ sobotu wječor njebě jenož wuslědk njedobrowólneje jewišćoweje přestawki w času prěnjeho lockdowna lěta koronapandemije dla, ale zdobom pokazka na wot dźensa za wšitke jewišća płaćiwy druhi.
Zwažće so!
Po Sedanu w Francoskej rewolucija wudyriła
27. oktobra před 150 lětami je francoska Rynska armeja w twjerdźiznje Metz před wójskom němskich statow kapitulowała. Rynsku armeju bě maršal François-Achille Bazaine rozkazował. Franzojo kapitulowachu pobrachowacych žiwidłow dla. 80 000 wojakow, mjez nimi třo maršalojo, a 1 360 kanonow padny do rukow němskeho wójska.
Na křižowanišću mjez wuchodom a zapadom
Swoju psychoanalytisku studiju wo archetypje słowjanskosće we Łužicy „Swjate su mi twoje hona“ je wjelelětny čłon Towarstwa přećelow Smolerjec kniharnje dr. Křesćan Kessner wčera w Smolerjec kniharni předstajił.
Stawiznopolitiska inwentura lěta 1990
Pod hesłom „Das Jahr 1990 freilegen“ je rodźeny Budyšan Jan Wenzel knihu wudał, kotraž so na 600 stronach lětu němskeho zjednoćenja wěnuje. Publikacija, kotraž bu z lětušim mytom załožby Buchkunst wuznamjenjena, je w Lipšćanskim nakładnistwje Spector Books wušła, kotrež bě Wenzel w lěće 2001 sobu załožił. Cordula Ratajczakowa je so z nakładnikom-wudawaćelom, kiž bě w 1990tych lětach tež za SN pisał, rozmołwjała.
Kak sće mysličku zrodźił, tajku – 2,5 kilogramow ćežku – knihu zwoprawdźić?
Placki z wuměłstwoweje fabriki su požadane
Korzym (st/SN). Wopytowarjo wužiwaja rady nowu wuměłsku twórbu na špundowanju Korzymskeje wuměłstwoweje fabriki Factory Flox. To je dowolene a nimale njenapadnje, wšako wobsteji plastika Félixa Gonzálesa-Torresa (1957–1996) z 544 kilogramow plackow. Husto wužiwaše hižo zahe zemrěty, na Kubje narodźeny wuměłc z New Yorka placki. Tworješe z nimi hory, pjelnješe z nimi róžki a wuhotowaše praworóžki z nimi. W Korzymje je twórba „Untitled (Placebo – Landscape – for Roni)“ widźeć. Wosebitosć je, zo wopytowarja namołwi, so aktiwnje na wuměłstwje wobdźělić. Přez to, zo wón do złoćaneje papjery wobaleny plack bjerje, so twórba změni a po času rozpušći. Zhubjaca so twórba stanje so z metafru za wobmjezowanu čłowjesku eksistencu. Wo njej a smjerći móžeš rozmyslować, hdyž słódki plack comaš. Félix Gonzáles-Torres je w najwažnišich muzejach Ameriki, Wulkeje Britaniskeje, Francoskeje a Němskeje wustajał.
„Hody pola Silbermanna“
Oswald Mrózak
Česćenje a hódnoćenje žiwjenskeho skutka
Spisowaćelka Elke Nagelowa z Mytom Domowina 2020 wuznamjenjena
Spisowaćelka a basnica Elke Nagelowa z Łaza bu 9. oktobra na žurli Budyskeho Serbskeho domu z lětušim Mytom Domowiny wuznamjenjena. Z mytom počesći třěšny zwjazk serbskich towarstwow Domowina wosobiny, kotrež so zaměrnje a wuspěšnje za dalewuwiwanje serbskeje rěče a kultury zasadźeja. Nimo 82lětneje Łazowčanki spožčichu lětsa Myto Domowiny tež Jurjej Šołće z Noweje Wjeski a Frycej Kšamarjej z Drjenowa. Elke Nagelowa słuša wot wšeho spočatka k Spěchowanskemu towarstwu Zetkawanišća Domu Zejlerja a Smolerja we Łazu, kotrež su tam 1994 na iniciatiwu jeje mandźelskeho, komponista Jana Pawoła Nagela załožili. W towarstwje stara so wona jako najstarša čłonka wo internetny wustup cyłka. Andreas Kirschke je so ze spisowaćelku wo jeje žiwjenskim skutku rozmołwjał.
Knjeni Nagelowa, što wam Myto Domowiny woznamjenja? Kak sće powěsć wo wuznamjenjenju přiwzała?
Nazwučowany program na hračkach
Pod hesłom „Swingin‘ Santa“ wuhotuja dźěći a młodostni z Němskeje a Pólskeje kóždolětnje wosebity hodowny koncert. Minjenu njedźelu su lětuši program we wobłuku dźesaćdnjowskeje dźěłarnički nazwučowali.
Budyšin (SN/bn). „Swingin‘ Santa“ je zhromadny projekt Budyskeho towarstwa Kamjentny dom a Jelenjogórskeho Centruma kultury a spěchowany mjez druhim wot Zwjazkoweho ministerstwa za swójby, seniorow, žony a młodźinu, Kulturneho ruma Hornja Łužica-Delnja Šleska a europskeho fondsa za regionalne wuwiće Interreg PL-SN. Mjeztym hižo 12 lět dołho přihotuja šulerki a šulerjo partnerskeju městow a wokolinomaj pod profesionalnym nawodom znate pólske, němske a jendźelske hodowne spěwy w stilu swinga. Z wobdźělnikow zestajana bigband, chór a solisća předstaja je tradicionalnje na kónc tydźenjach 1. resp. 2. adwenta w Budyšinje a Jelenjej Górje.
