Pokiwy (13.05.22)
Smyčkarjo hraja, chór njespěwa
Hodźij/Slepo. Smyčkowy kwartet Serbskeho ludoweho ansambla předstaji jutře, sobotu, w 19 hodź. koncert „Štyri na raz“ w Hodźijskej cyrkwi. Zastupne lisćiki su při wječornej kasy na předań a płaća dwanaće resp. wosom eurow. Zajutřišim, njedźelu, w Slepom planowany chórowy koncert SLA „Nalětnje čuće“ pak strowotniskich přičin dla wupadnje.
Wopominaja Jana Skalu
Njebjelčicy. Njedźelu, 15. meje, připrawi gmejna Njebjelčicy w 15 hodź. wopomnjenske tafle za serbskeho basnika, publicista a spisowaćela Jana Skalu při po nim pomjenowanej tamnišej pěstowarni. Čestny hósć budźe wnučk Skale dr. Peter Kroh, kulturny program wuhotuja Njebjelčanske pěstowarske dźěći a skupina Serbska reja.
Prěnja ryzy prozowa zběrka
Rozhłós (13.05.22)
njedźelu hornjoserbsce
11:00 Łužica tutón tydźeń
11:20 „Žiwjenje tajke a hinaše“
12:00 Nabožne wusyłanje
(Wito Sćapan)
po tym zbožopřeća
delnjoserbsce
12:30 Aktualny magacin, mjez druhim z reportažu wo nalětnim pućowanju kołowokoło Bělina a hornjołužiskimi nowostkami „Kukowskeju kokulow“
13:00 Tematiske wusyłanje: Pózdnje twórby komponista a hudźbnika Matthiasa Kießlinga
13:40 Nabožne wusyłanje
(Ingolf Kśenka)
po tym zbožopřeća
Do kina (11.05.22)
Přirodoškitny zwěrjenc Zhorjelc-Zgorzelec chce so maćerjam z ...
Protyka (06.05.22)
Pjatk 6.5. 19:00 Dźakna Boža mša wohnjowych woborow zarjadniskeho zwjazka Při Klóšterskej wodźe Pančicy-Kukow w Róžeńčanskej putniskej cyrkwi
Sobotu 7. a 8.5. Hornčerske wiki w Halštrowje
Sobotu 7.5. 8:00 Čaporowe wiki w Čornochołmčanskim Krabatowym młynje
10:00 Dźeń wotewrjenych duri na Budyskej hudźbnej šuli
10:00 Comic-dźěłarnička ze Štefanom Hanušom w Budyskim Serbskim muzeju
19:00 Rozžohnowanski koncert Spěwneho konsorcija seniorow w Budyskej Röhrscheidtowej bašće
Njedźelu 8.5. Dźeń maćerje
10:00 Wulke burske wiki w Koćinskim Krabatowym mlokowym swěće
14:00 Mejemjetanje w Koslowje
14:30 Mejski swjedźeń we Wochožanskim parku błudźenkow z mejemjetanjom a předstajenjom Serbskeje rejwanskeje skupiny Smjerdźaca
Pokiwy (06.05.22)
Dźeń wotewrjenych duri
Budyšin. Po dwulětnej přestawce wuhotuje Budyska wokrjesna hudźbna šula jutře, sobotu, dźeń wotewrjenych duri zaso jako prezencne zarjadowanje. Wot 10 do 14 hodź. móža so zajimcy wo tam wuwučowanych předmjetach wobhonić a so na instrumentach wuspytać. Solisća a hudźbne cyłki kubłanišća postaraja so wo muzikaliske wobrubjenje.
Lipjenjo koncertuja w Lipsku
Lipsk. Chór Lipa a Markkleebergscy wokalisća přeprošatej na zhromadny serbsko-němski koncert „Hudźba zwjazuje“, njedźelu, 8. meje, w 17 hodź do Stareje wikowanskeje bursy (Alte Handelsbörse) wosrjedź Lipska. Zastupne lisćiki dóstanu zajimcy při wječornej kasy za 20 eurow (potuńšene dźesać eurow). Je to zarjadowanje Towaršnosće Hieronymusa Lottera za spěchowanje Lipšćanskeho muzeja měšćanskich stawiznow.
Słowjanscy sydlerjo Wendlanda
Rozhłós (06.05.22)
njedźelu hornjoserbsce
11:00 Łužica tutón tydźeń
11:20 „Moja hudźba“ z dr. Sonju Wölkowej
12:00 Nabožne wusyłanje
(Krystof Rummel)
po tym zbožopřeća
delnjoserbsce
12:30 Aktualny magacin, mjez druhim z přinoškom wo Dnju maćerje a z woprašowanjom k situaciji w Ukrainje
13:00 Tematiske wusyłanje: Dźeń wuswobodźenja a wójna w Ukrainje
13:40 Nabožne wusyłanje
(Katharina Köhlerowa)
po tym zbožopřeća
Kónc doby a wužadanje
W srjedźišću mejskeho wudaća telewizijneho magacina Wuhladko stej portretowacy přinošk pod hesłom „Kónc doby – wjesnjanosta z najdlěšim słužbnym časom w Sakskej zastanje“. We wopisowanju sćelaka MDR k tomu rěka: „12. junija 2022 su we wjele gmejnach w Budyskim wokrjesu wólby wjesnjanostow. Tež Franc Brusk so za to zajimuje, ale hižo nic tak kaž dotal. Nimale poł lětstotka, wot 1974, je wón wjesnjanosta we Worklecach. Nětko wjeseli so na zasłuženy wuměnk. Wuhladko je jeho cyły dźeń přewodźało. Zhladujemy z nim na čas do přewróta a po tym a bilancujemy.“
Pokiwy (05.05.22)
Dalše hry w kopańcy
krajna klasa
07.05. 14:00 VfB Žitawa –
BSV 68 Sebnica
07.05. 15:00 FSV Wódrjeńca 02 –
TSV Rotacija Drježdźany
07.05. 15:00 Rakečanske ST –
VfB Běła Woda 1909
08.05. 15:00 SG Weixdorf –
SJ Chrósćicy
wokrjesna wyša liga
07.05. 15:00 TSV Wachau –
ST Porchow
07.05. 15:00 Wojerowski FC –
ST Kinspork/Łužnica
07.05. 15:00 ST Horni kraj-Sprjewja –
ST Marijina hwězda
08.05. 10:30 LSV Hory –
Biskopičanske KT II
08.05. 14:00 Sokoł Ralbicy/Hórki –
SG Großnaundorf
Jutře wječor do Ralbic
Koparske mustwo starych knjezow Sokoła Ralbicy/Hórki hraje jutře, pjatk, wječor wot 18.30 hodź. w Ralbicach we wobłuku wólnočasneje koparskeje ligi Zapadołužiskeho koparskeho zwjazka přećiwo mustwu Hrajneho zjednoćenstwa Bluń/Lubuš. Kopać chcedźa dwójce 40 mjeńšin.
