W internaće na hody so přihotowali

štwórtk, 21. decembera 2017
artikl hódnoćić
(0 )

Šulerjo internata Budyskeho Serbskeho gymnazija so runja tym, kotřiž wotydźenja doma pola staršeju bydla, na hody wjesela a so na nje přihotuja. Tak smy zhromadnje kónc nowembra hodownu pychu a hwězdy za hodowny štom paslili. Hižo k prěnjemu adwentej wopytachu šulerjo wobydlerjow bliskeje starownje a přednjesechu jim adwentne a hodowne spěwy. Hdyž wšak cyły tydźeń w Budyšinje bydliš, podaš so wězo tež na Wjacławske wiki. Chór 1. serbskeje kulturneje brigady pod wuměłskim nawodom Friedemanna Böhmy je so pola nas na swój adwentny­ koncert přihotował. Zwje­selace je, zo tójšto šulerjow inter­nata na wšelakich­ instrumentach hraje a program tak wobohaća.

Často smy zhromadnje poprjancy pjekli­ a so na akciji Radija Satkula wobdźělili, jako fachowcy poprjančki woptachu a posudźowachu. Ćim bóle so wjeselachmy, zo smy 3. městno we wubědźowanju wobsadźili. Sydom šulerkow pod nawodom Hilže Zyndźineje tydźensce wušiwanski kurs wopytuje a sej rubiško za narodnu drastu wušiwa. Druzy wužiwaja swobodny čas za volleyball. To je dobra wotměna k šulskej wučbje.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND