Blue Devils Weiden –

Łužiske lodohokejowe liški

3:4 (1:1, 1:1, 1:1, 0:1) p.p.

Łužiske lodohokejowe liški nastupichu druhi swjaty dźeń hód přećiwo mustwu Blue Devils z Weidena, při čimž štyrjo hrajerjo wupadnychu. Chorosće dla pobrachowachu Anthony Morrone, Clarke Breitkreuz, Tim Sesemsky a John Broda. We wrotach steješe na spočatku prěni raz Pascal Seidel.

Liški započachu z wulkim ćišćom a nawjedowachu hižo po třoch mjeńšinach dźakowano Tomej Knoblochej. W 9. min. trjechi Běłowodźan Georgiy Saayan jenož łatu. Po přetratej fazy z hrajerjom mjenje na lodźe docpě Noah Samanski w 17. min. wurunanje.

Tež w druhej třećinje sej liški dobre šansy wuhrachu, njemóžachu pak je wužić. Weiden agresiwnje agěrowaše a hrajny natwar hosći konsekwentnje myleše. To so w 32. min. zadani. Tyler Ward docpě nawjedowanje 2:1 za Módre čerty. Ze sylnymi paradami Pascal Seidel po tym wyšemu zastatkej zadźěwaše. 22 sekundow před druhej sirenu dóstachu liški penalty. Nikita Knaus tutón suwerenje k wurunanju 2:2 přetwori.