Chorych wopytać zaso móžno poručenje

srjeda, 10. junija 2020
artikl hódnoćić
(0 )

Pola pacienta jenož poł hodźiny přebywać

Kamjenc/Budyšin (SN/mwe). Na zakładźe noweho sakskeho korona-škitneho postajenja su wopyty pacientow w chorownjach zaso móžne. Z teje přičiny je tež Kamjenska chorownja maltezow swj. Jana wot minjeneho kónca tydźenja wopytowanski zakaz zběhnyła. Tak móža přiwuzni, přećeljo a znaći do chorownje zapokazanych zaso wopytać, dodźeržejo pak hygieniske postajenja a wosebite prawidła. To rěka, kóždy pacient smě jónu wob dźeń poł hodźiny wopytowarja přijimać. A wopyt w času wot 14 do 17 hodź. ma z wotpowědnej staciju telefonisce dorěčany być.

Runja druhim hojernjam je w Lessingowym měsće wuměnjenje, zo dyrbi kóždy wopytowar naprašnik wupjelnić a swoje wosobinske kaž tež kontaktne daty podać. Měsac jón tam składuja a po tym zniča. Zo njebychu předołho čakać dyrbjeli, móža wopytowarjo Kamjenskeje chorownje screeningowe łopjeno na jeje internetnej stronje wotwołać a je hižo doma wupjelnić. W chorowni samej trjebaja škit za hubu a nós a dyrbja předpisany wotstawk dodźeržeć.

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND