Hody lětsa „njezapomnite“ poručenje

srjeda, 23. decembera 2020
artikl hódnoćić
(0 )

Chorownje w Budyskim wokrjesu wjesela so nad kóždej pomocu

Kamjenc/Wojerecy/Budyšin (SN/BŠe/at). Kamjenska chorownja maltezow swj. Jana lěkuje tuchwilu 30 na koronawirus schorjenych. Šěsć wosobow leži na intensiwnej staciji, wjetšinu z nich so z kislikom zastaruja. Na koronowych stacijach su pacienća přewažnje starši hač 75 abo 80 lět. Kaž nowinska rěčnica hojernje Stephanie Hänsch zdźěli, wjele hladanskeho personala wupadnje, štož je pod tuchwilnymi wobstejnosćemi wulke wužadanje. Wšako maja so tež dalši schorjeni hladać.

Dokelž ma Kamjenska chorownja swoje lěkowanske kapacity rozšěrić, proša tam wo přidatnu spěšnu a časowje wobmjezowanu pomoc. Požadanje žane trěbne njeje. Zajimowani pomocnicy ­njech so telefonisce přizjewja. „W mnohich powołanskich skupinach je trjeba, zo tež na swjatych dnjach dźěłaja. Hladajo na zestajenje słužbneho plana dźiwamy stajnje na swójbnje přećelne rozdźělenje słužbow. Přeco pak to móžno njeje“, nowinska rěčnica wuswětli.

wozjewjene w: Socialne
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND