„Swěrny přewodnik“ za kubłanišćo

štwórtk, 06. meje 2021
artikl hódnoćić
(0 )
Generalny sekretar Bonifacijoweho skutka, monsignore Georg Austen so wjeseli, zo staj sej z Drježdźansko-Mišnjanskeho biskopstwa Thomas Kadenbach a kanonik dr. Bernhard Dittrich (wotlěwa) po BONI-bus za Smochčanske kubłanišćo swj. Bena do Paderborna dojěłoj.  Foto: Theresa Meier Generalny sekretar Bonifacijoweho skutka, monsignore Georg Austen so wjeseli, zo staj sej z Drježdźansko-Mišnjanskeho biskopstwa Thomas Kadenbach a kanonik dr. Bernhard Dittrich (wotlěwa) po BONI-bus za Smochčanske kubłanišćo swj. Bena do Paderborna dojěłoj. Foto: Theresa Meier

Smochćicy (SN). W biskopstwje Drježdźany-Mišno jězdźi nowy BONI-bus. Smochčanske kubłanišćo swj. Bena dósta jón wot Bonifacijoweho skutka katolikow Němskeje, kotryž ma swoje sydło w Paderbornje. Kanonik dr. Bernhard Dittrich a nawoda zarjadnistwa Smochčanskeho kubłanišća Thomas Kadenbach staj tam jězdźidło wotewzałoj.

„Naše busy zwjazuja ludźi, dokelž su swěrni přewodnicy za farske wosady a zarjadnišća cyrkwje w regionach diaspory, kotrež Bonifacijowy skutk spěchuje. Wone su widźomne znamjo solidarity za jednu cyrkej, kiž pohibuje a zwjazuje“, rjekny generalny sekretar skutka, monsignore Georg Austen.

Bonifacijowy skutk podpěruje nakup tajkeho BONI-busa po dwěmaj třećinomaj kóštow za farske wosady a cyrkwinske zarjadnišća w diaspornych regionach z podźělom katolikow hač do 20 procentow.

wozjewjene w: Socialne
Prošu přizjewće so, chceće-li komentar podać

nawěšk

nowostki LND