Sokoł Ralbicy/Hórki – Módro-běli Njeswačidło 6:1 (2:0)
Zestawa domjacych: Bjeńš – Kobalc, Schultz, Kocor, Bejmak (85. Brězan), Budar (30. C. Gloxyn), Materna, Hrjehor, Šołta, M. Kurjat, Zimmermann
Druhe zastupnistwo koparjow Sokoła Ralbicy/Hórki wočakowaše njedźelu dopołdnja sylne mustwo z Njeswačidła. Hosćo běchu zašłe hry mjenujcy wšitke dobyli. Z wuspěchom w Ralbicach bychu Sokołow w tabulce samo přesćahnyć móhli. W rjadach delanskich bulkoparjow tójšto ludźi falowaše, tak zo sedźeštaj na ławce jenož trenarjej Krystof Gloxyn a Maik Brězan. A dokelž so Pascal Budar wosrjedź prěnjeho połčasa zrani, dyrbješe Gloxyn tež zaskočić. Swoju wěcku w nutřkownym škiće wón jara derje zmištrowa.