Trěbny je mjezsobny respekt mjez ludźimi

srjeda, 10. awgusta 2022
artikl hódnoćić
(0 )
Serbski prawiznik, historikar a politikar Hajko Kozel poradźuje wobydlerjow zhromadnje z kolegu na socialnym polu.  Foto: SN/Hanka Šěnec Serbski prawiznik, historikar a politikar Hajko Kozel poradźuje wobydlerjow zhromadnje z kolegu na socialnym polu. Foto: SN/Hanka Šěnec

Serbski prawiznik Hajko Kozel pomha ludźom pod hesłom „Pomoc k samopomocy“ we Łužicy kaž tež w Čěskej a Pólskej

Poradźowanje ludźi w socialnych prašenjach ma wobstajnje konjunkturu. Hajko Kozel mjeztym dlěje hač 25 lět na tymle polu čestnohamtsce skutkuje. Milenka Rječcyna je so ze serbskim prawiznikom, historikarjom a politikarjom rozmołwjała.

Kak sće přišoł na ideju ludźi w socialnych prašenjach poradźować?

H. Kozel: Rěčne hodźiny sym jako zapósłanc Sakskeho krajneho sejma wot wšeho spočatka swojeho skutkowanja poskićił, to rěka wot lěta 1999. Konkretnišo wusměrić so na socialne poradźowanje, tu ideju mějach w zwisku z tak mjenowanymi Hartz IV reformami. Sym swój čas iniciěrował w Budyskim wokrjesu politisku akciju „zběžk přećiwo socialnemu rubježnistwu“. Smy samo demonstraciju organizowali, na kotrejž je so na wšě tysac ludźi wobdźěliło. Powšitkowne kampanje wjesć bě a je wažne, zo by so w towaršnosći něšto změniło. Runje tak hódne pak je konkretnje pomhać. Hdyž wěš, wo čo so ludźo starosća, móžeš ćim jasnišo a wuspěšnišo politisce argumentować.

wozjewjene w: Socialne
Prošu přizjewće so, chceće-li komentar podać

Serbska debata

nowostki LND