Tydźeń znowawožiwjenja, kotryž bu minjenu póndźelu zahajeny, je po cyłej Němskej wotměwaca so iniciatiwa, kotraž ma pokazać, zo je kóždy kmany, wuchować žiwjenje. Kamjenska chorownja swjateho Jana je w tym zwisku dźensa akciski dźeń w Lessingowym měsće wuhotowała.

Kamjenc (SN/HaJ). Medicinscy fachowcy chorownje swj. Jana a nuzowi sanitetarjo wuchowanskeje słužby Falck su na Kamjenskich tydźenskich wikach dźensa dopołdnja wo reanimaciskich naprawach informowali a nawod do tak mjenowaneje wutrobyćišćoweje masaže (Herz-Druck-Massage) podawali.