Bórze kónc za porodźernju poručenje

štwórtk, 12. nowembera 2026
artikl hódnoćić
(0 )
Hišće dobry měsac móža žony swoje dźěćo na porodowej staciji w Kamjenskej chorowni swjateho Jana porodźić. Spočatk přichodneho lěta tamnišu staciju na přeco zawru.  Foto: SN archiw Hišće dobry měsac móža žony swoje dźěćo na porodowej staciji w Kamjenskej chorowni swjateho Jana porodźić. Spočatk přichodneho lěta tamnišu staciju na přeco zawru. Foto: SN archiw

Zamołwići Kamjenskeje kliniki wo wužiwanju zjawnych srědkow mjelča

Kamjenc/Budyšin (SN/StŠ). Dokładnje dźensa za sydom njedźel, posledni dźeń tohole lěta – silwester – ma so porodowa stacija Kamjenskeje chorownje na přeco zawrěć. Potom skónči so mjenujcy połlětny karencny čas, w kotrymž je stacija z pomocu financielneje podpěry wokrjesa Budyšina dale dźěłała. Na wurjadnym posedźenju lětsa kónc meje běše wo­krjesny sejmik wobzamknył, chorownju a staciju hač do kónca lěta z 500 000 eurami podpěrać. „Wot junija tohole lěta dóstawa Kamjenska chorownja za kóždy měsac, w kotrymž so porodowa klinika wobhospodarja, něhdźe 71 400 eurow wot wokrjesa wupłaćene. Za sydom měsacow, kiž je dojednane (wot junija do decembra), wučinja to cyłkownje něhdźe 500 000 eurow“, wokrjes Budyšin na naprašowanje Serbskich Nowin zdźěli. Kelko dźěći je so w minjenym połlěće w Kamjencu narodźiło, kelko wosobow je tam tuchwilu hišće přistajenych a hač je so jim mjeztym doskónčnje wupowědźiło – na wšitke tute prašenja nawodnistwo chorownje na naprašowanje redakcije wotmołwić nochce.

wozjewjene w: Socialne
wjace z tohole wobłuka: « Chorownja wostanje
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo