Chrósćicy. Tydźenski intensiwny kurs čěšćiny z Čechom Janom Breindlom budźe w poslednim tydźenju wulkich prózdnin wot 6. do 11. awgusta w Chrósćicach na farje. Wučba započina so wšědnje hakle w 14 hodź. a traje hač do 18 hodź. Wona wopřijima čěskorěčne přednoški wo čěskej kulturje, stawiznach a politice. Dale wotměje so filmowy, spěwny a kulinariski wječork. Sobotu wuleća sej wobdźělnicy do Libereca. Zajimcy njech přizjewja so w Rěčnym centrumje WITAJ pod telefonowym čisłom 0 35 91 / 55 04 00 abo e-mailnje pod adresu witaj-bautzen@sorben.com.
Pytaja elewow za chór