SJ Chrósćicy II
– ST Wóslink/Skaskow 0:2 (0:0)
Zestawa domjacych: Cyž – Mark (50. Ch. Zahrodnik), Šiman, M. Donat, L. Zahrodnik (74. F. Šołta), Mohaupt, G. Zahrodnik, B. Šołta, J. Donat, Jakubaš, Liznar
Zaměr koparjow druheho mustwa Chróšćanskeje SJ do njedawneje hry bě, sej tři dypki doma zdźeržeć. Ale hižo w prěnim połčasu worachu woni přeco zaso koncentraciske zmylki, a to wosebje w natwarje. Tak hosćo přihrawki mjez škitom a srjedźnym polom wotpopadnychu. Kontery wšak škit wokoło Samuela Šimana znješkódni, abo wrotar Matej Cyž předołhe třělwy hosći wotpopadny. Jeničce třělwa z 20 metrow we 28. min., kotraž bóčnu łatu trjechi, bě woprawdźe strašna. Tež Chróšćenjo móžachu sej, wosebje přez flanki z praweje strony, někotre šansy wuhrać.