HZ Rakecy/Šćeńca II
– ST 1922 Radwor 0:2 (0:0)
Zestawa hosći: Grenzemann – Mark, Kral, Weißbach, Zähr, Wjacławk, Paška, Rachela, Reinecke, Schulze, Hettasch (46. Omran)
Na 14. hrajnym dnju wokrjesneje ligi, stafle 2, dojědźechu sej Radworscy koparjo do Rakec na mały derby. Konstelacija bě do partije jasna, Rakecy steja z jednym dobytym dypkom na poslednim a tak zestupnym městnje, faworit z Radworja steješe z 17 dypkami w srjedźnym polu tabulki.
Hižo dopołdnja w jědnaćich sudnik partiju na twjerdym hrajnišću zahwizda. W prěnim połčasu profitowachu hosćo wosebje wot njestrašnosće Rakečanskich nadběhowarjow. Radworčenjo skićachu jim rumy a móžnosće, kotrež pak njemóžachu domjacy wužić.