Dwanatkarjo SGB wuspěšni

póndźela, 14. decembera 2020
artikl hódnoćić
(0 )
Jara wuspěšnje wobdźělichu so dwanatkarjo Serbskeho gymnazija Budyšin (SGB) na wubědźowanskim běhu „šulskej challenge 2020“ a wobsadźichu prěnje tři městna mjez dźewjeć startowacymi kursami abiturneho schodźenka. Leonie Matješkec, Ławrjenc Bobka a Greta Čórlichec (wotlěwa) dóstachu z rukow hłowneho organizatora Budyskeho měšćanskeho běha Steffena Waldmanna wopisma a pjenježne myta.  Foto: Měrko Korjeńk Jara wuspěšnje wobdźělichu so dwanatkarjo Serbskeho gymnazija Budyšin (SGB) na wubědźowanskim běhu „šulskej challenge 2020“ a wobsadźichu prěnje tři městna mjez dźewjeć startowacymi kursami abiturneho schodźenka. Leonie Matješkec, Ławrjenc Bobka a Greta Čórlichec (wotlěwa) dóstachu z rukow hłowneho organizatora Budyskeho měšćanskeho běha Steffena Waldmanna wopisma a pjenježne myta. Foto: Měrko Korjeńk

Pod motom „Budyšin so hiba – nětko ćim bóle!“ je Budyski MSV 04 wubědźowanski běh, tak mjenowanu „šulsku challenge 2020“ organizował. Wón ­měješe narunać planowany Budyski měšćanski běh w septembrje, kotryž běchu koronawirusa dla wotprajili. Tež ­dwanatkarjo Serbskeho gymnazija ­Budyšin su so nětko z wulkim ­wuspěchom na běhu wobdźělili.

Minjeny štwórtk podźakowa so hłowny organizator Budyskeho měšćanskeho bě­ha­ Steffen Waldmann wuspěšnym šulerkam a šulerjam 12. lětnika SGB za jich angažement na wubědźowanskim běhu šulow a přepoda jim w sportowej hali Serbskeho šulskeho a zetkawanskeho centruma Budyšin wopisma a pjenježne myta. Na mjenowanym wubědźowanju mějachu młodostni nadawk, w dwanaće mjeńšinach tak wjele metrow kaž móžno naběhać. A rezonanca bě njesměrnje wulka. Wšako wobdźěli so cyłkownje 1 294 šulerjow a šulerkow z 73 rjadownjow dwanaće startowacych šulow. Dohromady naběžachu woni cyłkownu čaru nimale 2 480 kilometrow.

wozjewjene w: Sport

Galerija

dalši wobraz (1) Steffen Waldmann, organizator „šulskeje challenge 2020“, přepoda Ławrjencej Bobce z 12. lětnika wopismo a pjenježne myto za 1. městno.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND