Kral hišće bjez noweho zrěčenja

póndźela, 30. meje 2016 spisane wot:

Tydźenja je Denny Kral po dołhim času zaso raz za Serbsku koparsku wubranku kopački šnórował. Regionalny ligist Budissa Budyšin, za nju rodźeny Njebjelčan hewak hraje, je sezonu hižo zakónčił. Za Hanspetera Benada běštej to přičinje so raz za Serbske Nowiny z Dennyjom Kralom rozmołwjeć.

Kak spokojom sće z hrajnej dobu 2015/2016?

D. Kral: Běše to sezona z wyšinami a nižinami. Wona njebě runjewon najlěpša, dokelž njejsmy w rozsudnych hrach přećiwo runohódnym cyłkam dypkować móhli. Přiwšěm běchmy sylny team.

Kotra hra bě za Was najlěpša, potajkim tajki prawy wjeršk?

D. Kral: Atmosfera w Babelsbergu pod swětłomjetakami z wjele přihladowarjemi so mi přeco zaso wosebje lubi. Tale partija słuša k mojim highlightam.

A kotra hra bě za was najhórša w minjenej sezonje?

D. Kral: Z poražku přećiwo Luckenwalde so přeco hišće zaběram, dokelž smy w 90. min. lucky punch kasěrowali. Poprawom bychmy přećiwo tomule runohódnemu mustwu dypkować dyrbjeli. Sym so jara mjerzał.

Móžemy Was w nowej hrajnej dobje zaso w trikoće Budissy wuhladać?

Sport (27.05.16)

pjatk, 27. meje 2016 spisane wot:

Mišterstwa lochkoatletiki

W Kamjenskim stadionje budu zajutřišim, njedźelu, wot 10 hodź. regionalne lochkoatletiske mišterstwa we wjaceboju za starobne klasy U 16, U 14 a U 12. Mišterstwa zakónča so wokoło 16 hodź. z běhami na srjedźne distancy.

Sportowy swjedźeń

Rakečanska sportowa jednotka přewjedźe wot 10. do 12. junija sportowy swjedźeń. W poskitku změja pjatk, sobotu a njedźelu wšelake zarjadowanja a turněry. Njedźelu, 12. junija, nastupi w Rakecach mjez druhim młodźina B Dynama Drježdźany přećiwo młodźinje A domjacych. Zakop hry je w 14 hodź.

Budissa pyta koparjow

Koparske towarstwo Budissa Budyšin zarjaduje 2. a 9. junija za lětnikaj 2002 a 2003 probowy trening. Štóž sej mysli, zo ma wón talent, a štóž chcył so rady w krajnych ligach a klasach wukubłać dać, njech swoje zamóžnosće na tutymaj dnjomaj pokaza. Wobaj razaj budźe trening wot 17 do 18.30 hodź. na kumštnym trawniku Młynkec łuki na Humboldtowej 10 w Budyšinje. Přizjewjenja su móžne pola koordinatora za dorost Andreasa Vogela pod 03591/27228812 abo 0172/7760141 abo pola trenarja Marija­ Spätha pod 0173/5628771.

Volleyballowy turněr

Wubranka muži hišće dźěrata

štwórtk, 26. meje 2016 spisane wot:

Trenarjej serbskeju koparskeju wubrankow muži a žonow Frank Ričel a Pětr Bejmak staj wčera w Njebjelčicach kader swojeju mustwow za 3. europe­adu w Južnym Tirolu předstajiłoj.

Njebjelčicy (SN/JaW). 22 žonow budźe Serbow na koparskim turněrje europskich narodnych mjeńšin w Južnym Tirolu zastu­pować, připowědźištaj wčera trenar a nawoda žónskeje wubranki Pětr Bejmak a Handrij Rachela. Wot oktobra so wone na to přihotuja. „Smy dotal kóždu sobotu trenowali“, rjekny Rachela. „Hrajerki, z kotrymiž smy wosobinsce rěčeli, su jara motiwowane“, praji Bejmak. Ćeža je, zo žanoho z přećiwnikow nje­znaja. Wšako wotměje so turněr žonow prěni króć. Kruty cil, hdźe chcyli so zaměstnić, tuž nimaja. „Nochcemy so nikomu po­dać“, Bejmak bojownisce připowědźi.

Test w Njebjelčicach so poradźił

štwórtk, 26. meje 2016 spisane wot:

Serbska koparska wubranka muži – Jednota Kamjenc 1:5 (0:0)

Za SKWm zasadźeni: Čórlich, Gloxyn – Woko, Cyž, Korjeńk, Kral, Domaška, Žur, Bejma, Hrjehor, Lejnart, Bjeńš, Jurš, Bejmak, Wałda, Šołta, Kinderman

Za Jednotu zasadźeni: Arnold, Wochnik – Prentki, Hrdlitschka, Charuza, Brückner, Ranninger, Azad, Pannach, Höer, Novotný, Schidun, Vrabec, Kloß

Woni Serbow na europeadźe zastupuja

štwórtk, 26. meje 2016 spisane wot:

Serbska koparska wubranka – žony *

Jadwiga Richterowa/bjez zjednoćenstwa

Tereza Wićazec/bjez zjednoćenstwa

Janika Bětnarjec/Biskopičanske KT 08

Franciska Hellnerowa/Biskopičanske KT 08

Sophia Bejmakec/Biskopičanske KT 08

Julia Młynkec/bjez zjednoćenstwa

Helena Bětnarjec/bjez zjednoćenstwa

Marie-Luis Pjetašec/Biskopičanske KT 08

Chrystina Pašcyna /bjez zjednoćenstwa

Marija Grundajec/bjez zjednoćenstwa

Michaela Domaškec/ST Hnašecy-Dobruša

Klawdija Hejdušcyna/bjez zjednoćenstwa

Lenka Fryčec/FSV Hansa 07 Berlin

Lubina Mičkec/bjez zjednoćenstwa

Michaela Młynkec/bjez zjednoćenstwa

Alena Šołćic/bjez zjednoćenstwa

Marija Škodźina/bjez zjednoćenstwa

Lara Brücknerec/Wojerecy 1919

Elisabeth Škodźic/bjez zjednoćenstwa

Anna Richterec/Biskopičanske KT 08

Jana Mejglowa/bjez zjednoćenstwa

Nadja Zamora-Gonzales/Biskopičanske KT 08

Serbska koparska wubranka – mužojo *

Chrystof Gloxyn/Sokoł Ralbicy/Hórki

Hubertus Čórlich/ST Ćisk

Patrik Woko/ST Jednota Kamjenc

Bosćij Cyž/SJ Chrósćicy

Fabian Korjeńk/Sokoł Ralbicy/Hórki

Handrij Korjeńk trójce trjechił

srjeda, 25. meje 2016 spisane wot:

SJ Njebjelčicy

– Zeleno-běli Sepicy 3:2 (1:1)

Zestawa domjacych: Hahn – Kral, Deleńk, Haška, Hanuza, Cyž, Hrjehor (70. Šołta), Hommel, Hoelzel, Korjeńk (79. Lejnart), Ričel (62. Čornak)

Po trochu přesłapjacym remisu w Hlinowcu běchu wočakowanja přiwiska koparjow Njebjelčanskeje SJ na dobyće tónkróć wulke. Spočatnje běše partija wurunana z někotrymi nadběhami na kóždej stronje. Korjeńk pospyta so dwójce, ale bjez wuspěcha. Tež wótra třělwa Ričela dźěše přez łatu. Na tamnej stronje mě­ješe wrotar Hahn lubu nuzu po spěšnym konteru hosći. Po dalšim strašnym nadběhu wotwobara wón bul najprjedy z jednej ruku, ale nadběhowar Sonntag storči bul z wótreho kuta přez liniju k 0:1 (27.). Wotmołwa Njebjelčanow mjeńšinu po tym bě wurunanje přez Korjeńka. Dalšej šansy přez Hommela (32.) a Cyža (34.) pak na wuslědku do połčasa ničo nje­změništej.

Wažnu hru dobyli

srjeda, 25. meje 2016 spisane wot:

ST 1922 Radwor

– HZ Budestecy 2:1 (1:0)

Zestawa domjacych: Wróbl – Šěrak, Henka, Sćapan, Šram, Karwin (69. Omran), Zähr, Nuk, Buša, Wjenka, Mark (87. Hančik)

Při Radworskej „Zelenej hałžce“ je znowa jedne z třoch najlěpšich koparskich mustwow nastupiło. Třeći tabulki Budestecy chcyše sej swoje městno wobchować, zo by postupiło, jeli to prěni a druhi tabulki nochcetej. Trenar domjacych Pětr Bejmak pak bě sej specielnu taktiku a zestawu wumyslił. Bušu staji wón na přikład pódla Nuka do ofensiwy.

Druhi tabulki zasłužbnje dobył

wutora, 24. meje 2016 spisane wot:

FSV Budissa Budyšin

– Berlinski AK 1:3 (0:1)

Zestawa Budissy: Große – Kolan, Fröh­lich, Patka, Heppner, Hoßmang, Kral, Walther, Salewski, (69. Kunert), Reher, Hansch (79. Čermák)

Posledni hrajny dźeń w regionalnej koparskej lize měješe wo čole tabulki rozsudźić. Berlinski AK a FSV Zwickau měještej samsnu ličbu dypkow a nimale samsny wrotowy poměr. Zwickau z jednymi wrotami wjac na konće hraješe w Schönbergu a Berlinski AK w Budyšinje. Za tudyšich 750 přihladowarjow běše to wězo napjata wěc. Při sćoplenju zrani so Christoph Klippel, a za njeho hraješe Max Fröhlich. Do hry rozžohnowachu zamołwići Budissy mustwoweho nawodu Wolfganga Seilera, kiž bě zastojnstwo 32 lět z krótkim přetorhnjenjom, jako běše pola Jednoty Kamjenc, wukonjał.

Koparjo Budissy Budyšin započachu koncentrowanje a mějachu tež hnydom móžnosći přez Rehera (4.) a Walthera (17.). Dale a lěpje pak namakachu so hosćo do hry, a wrotar Marek Große dyrbješe dwójce zapřimnyć (18., 24.). Do přestawki padnychu hišće zasłužene wrota za AK Berlin přez Kahlerta (36.).

Wučerjo SGB wokrjesny mišter

wutora, 24. meje 2016 spisane wot:

Pedagogojo-volleyballisća Serbskeho gymnazija Budyšin (SGB) su sej po sydom lětach zaso titul wokrjesneho mištra zawěsćili. Wot lěta 1992 je to nětko dźesaty pokal, kotryž pyši witrinu Budyskeho serbskeho kubłanišća.

Porjedźenka W sportowym rozprawnistwje wo 31. Hušćanskich parkowych běhach na 3. stronje wčerawšeho wudaća Serbskich Nowin smy mylnje wopačne mjeno pod wobraz pisali. Sportowc ze startowym čisłom 1061 njeje Roman Měrćink z Baćonja, ale Handrij Bejmak ze Sćijec. Prosymy wo wodaće za misnjenje. Redakcija SN

nawěšk

SERBSKE NOWINY podpěruja:

Novi Sad – kulturna stolica Europy

nowostki LND