Hižo dźesaty raz za sobu njeporaženi

póndźela, 19. oktobera 2015
artikl hódnoćić
(0 )
Spušćomna defensiwa z Raykom Schulzu (nalěwo) a Mattijom Bětnarjom (naprawo) je wčera prěnjemu mustwu SJ Chrósćicy dobyće zaručiła.  Foto: Clemens Šmit Spušćomna defensiwa z Raykom Schulzu (nalěwo) a Mattijom Bětnarjom (naprawo) je wčera prěnjemu mustwu SJ Chrósćicy dobyće zaručiła. Foto: Clemens Šmit

SJ Chrósćicy

– ST Wjelećin 3:0 (1:0)

Zestawa domjacych: Králíček – Schulze, Bětnar, Cyž, M. Zahrodnik, Runt (82. Šiman), Šmit (66. Budar), Domaška, F. Zahrodnik, Młynk (72. Pöpel), Věchet

Tež w dźesatej hrě njezamó Wjelećin koparjow Sportoweje jednotki Chrósćicy porazyć. Znowa su woni jasnje dobyli a wostanu dale njeporaženi. Přiwšěm dyrbjachu na Wjelećansku ofensiwu kedźbować. Hižo časćišo su hosćo wrota třělili, byrnjež na kóncu přěhrali. Wosebje w prěnim połčasu předrěchu so woni přeco zaso do šěsnatki Chróšćanow. Na tamnym boku falowaše jim nimale cyły prěni połčas zbožo. Třělwa Feliksa Zahrodnika ze zdalenosće zleća na žerdź, dalšu njezamó Věchet we wrotach zaměstnić. tež Runt trjechi jenož łatu. Krótko do połčasa bu strašny kop přećiwnika w poslednim wokomiku wotpopadnjeny. Z naslědnym konterom poradźi so domjacym tola hišće 1:0. 25 metrow před wrotami klepny Runt kulowatu kožu połnisko do lěweho kuta (44.).

wozjewjene w: Sport
Prošu přizjewće so, chceće-li komentar podać

nawěšk

nowostki LND