Serbja jako hosćo Wendlanda w hali Delnjeje Sakskeje

wutora, 24. januara 2017
artikl hódnoćić
(0 )
Chróšćanscy muzikanća běchu minjenu sobotu hósć Delnjeje Sakskeje na Berlinskim Zelenym tydźenju. Foto: Werner Sroka Chróšćanscy muzikanća běchu minjenu sobotu hósć Delnjeje Sakskeje na Berlinskim Zelenym tydźenju. Foto: Werner Sroka

Berlin (WS/SN). Serbski postrow a serbske spěwy słyšachu wopytowarjo Zeleneho tydźenja minjenu sobotu na jewišću Delnjeje Sakskeje a honorowachu tole ze zahoritym­ přikleskom. Serbow zastupowali su tam městopředsydka Domowiny Judith Wałdźic, referent a zamołwity Domowiny­ za poćahi do Wendlanda Werner Sroka a Chróšćanscy muzikanća ze spěwarjom Bjarnatom Cyžom.

Kak je k zhromadnemu projektej serbskich a wendlandskich zastupjerjow dóšło? Na lońšim jubileju 25lětneho wobstaća poćahow a kulturneje wuměny mjez Wendlandom a Serbami zamołwići města Łuchowa (Lüchow) wo tym rozmyslowachu, hač njemóhła serbska kapała prezencu Wendlanda na Zelenym tydźenju 2017 w Berlinje wobohaćić. Za to pře­prosychu sej tež zastupjerjow Domowiny­. A hotowa běše premjera tajkeho­ zhromadneho podawka dweju krajow­ na Zelenym tydźenju. Akcija na jewišću steješe pod znamjenjom zhromadnych słowjanskich korjenjow, běchu dźě we Wendlandźe něhdy Drjewjenjo sydlili a hač do srjedź 18. lětstotka hišće swoju słowjansku rěč nałožowali.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND