Dwaj kandidataj za europeadu 2020

srjeda, 22. měrca 2017
artikl hódnoćić
(0 )

Flensburg (SN/JaW). Za wuhotowanje mjeztym štwórteje europeady – koparskich mišterstwow narodnych mjeńšin Europy – w lěće 2020 staj so zajimcaj přizjewiłoj. Tole zdźěla Federalistiska unija europskich narodnych mjeńšin (FUEN) jako zarjadowar wubědźowanja.

Němsko-danski namjezny region Søn­derjylland-Schleswig kaž tež Korutanscy Słowjency – team Koroška – prócuja so wo to, wuhotować 4. koparsku europeadu, kotraž budźe za tři lěta. Tole zhonichu čłonojo prezidija FUEN na njedawnym wuradźowanju w Berlinje.

Němsko-danski namjezny region chce ze swojimi štyrjomi tam zasydlenymi mjeńšinami europeadu wuhotować a sta­ja swoje požadanje pod hesło „EUROPEADA 2020 mjez Sewjernym a Baltiskim morjom – mjezy překročacy koparski swjedźeń“. Korutanscy Słowjency nastupja pod hesłom „EUROPEADA 2020 w Korutanskej/Korošce – TOGETHER UNIQUE/SKUPNO ENKRATNI swjećimy jónkrótnosć našeje mnohotnosće“.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND