Předstawy hižo dosć wuzrawjene

pjatk, 08. měrca 2019
artikl hódnoćić
(0 )

Wuměnjenja za idejowe wubědźowanje za sakski fonds „Čiń sobu“ budu 15. měr­ca wozjewjene. Je tuž načasu wo projektach rozmyslować. Předsydstwo župy „Jan Arnošt Smoler“ je to činiło.

Budyšin (kl/SN/at). Poskitk sakskeho knježerstwa, zo wobydlerjo ze swojimi idejemi strukturnu změnu we Łužicy přewodźeja, wabi tež Budysku župu „Jan Arnošt Smoler“. Čłonojo předsydstwa su na swojim wčerawšim posedźenju w Budyšinje spěchowanski program tak mjenowaneho „Sakskeho fondsa Čiń sobu“ (Mitmach-Fonds Sachsen) rozjimali. Rěčeli su dale wo tym, kak měli swójsku próstwu najlěpje sformulować. Zapósłanc Sakskeho krajneho sejma Hajko Kozel (Lěwica) njeje župnemu předsydstwu wčera jenož wažne pokiwy dał, wón chce cyłkowny proces tež přewodźeć. Rozsudne je, zo so wša próca wudani a zo hodźi so projekt tež po spěchowanskej dobje dale wjesć.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND