Pro a kontra Serbski sejm poručenje

póndźela, 25. měrca 2019
artikl hódnoćić
(0 )

Chětro rozdźělne měnjenja wo wobchadźenju ze sejmarjemi

Chrósćicy (SN/JaW). Zwjazkowe předsydstwo Domowiny měło sej hišće raz jasne stejišćo wutworić, kak chcyło ze Serbskim sejmom přichodnje wobchadźeć. To namjetowaše předsyda třěšneho zwjazka Dawid Statnik na posedźenju gremija 15. měrca w Chrósćicach.

Pozadk je próstwa sejmarjow, z Do­mowinu so zetkać a wo zhromadnym dźěle wuradźować. „Za to je wažne sej poziciju wutworić“, Statnik potwjerdźi. „Wěm, zo so to wšěm njelubi. K realiće pak słuša registrować, što so wokoło nas stawa.“ Tučasne wustupowanje Domowiny mnohim njeje zrozumliwe. Statnik ma tuž za bytostne, stejišćo zabrać a njemjelčeć. Jednaćel Domowiny Marko Kowar skedźbni hišće raz na pozadk namjeta. Wjacore cyłki třěšneho zwjazka, mjez druhim Wojerowska a Budyska župa, su mjenujcy přeprošenje sejmarjow dóstali a nětko měnja, zo njemóža je cyle jed­norje wotpokazać a dyrbja z nimi rěčeć. Njewěsći w naležnosći wšak časćišo na zarjedźe Domowiny wo radu proša, kak měli na přeprošenje sejma reagować.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND