Dźiwadłowa skupina Kulowskeho Bratrowstwa předstaji nowu hru
Sulšecy (AK/SN). „Namrěwstwa dla zawrjene“ je titul noweje komedije, kotruž chce lajska dźiwadłowa skupina Kulowskeho Bratrowstwa přichodnu sobotu w Sulšečanskim kulturnym domje premjernje předstajić. „Kruch je połny překwapjenkow, žorta a humora kaž tež krasnych prajidmow. Rěčnje wobstajnje dale wuknjemy“, měni předsydka serbskeho katolskeho towarstwa Bratrowstwo Sonja Hrjehorjowa. Zaměrnje skupina tele dny hišće probuje. Wšako ma so zajutřiša premjera před domjacym publikumom poradźić.