Jedyn wotešoł, tamny wostanje

póndźela, 27. januara 2020
artikl hódnoćić
(0 )
 Lennart Moser  Foto:  Georg Zielonkowski  Lennart Moser Foto: Georg Zielonkowski

Regionalny koparski ligist FC Energija Choćebuz dyrbi wotchad wažneho hra­jerja předźěłać. Wot 1. FC Union Berlina wupožčeny wrotar Lennart Moser je hišće do zazběha nalětnjeho koła sportowe towarstwo wopušćił, zo by přichodnje za bel­giskeho prěnjeho ligista Cercle Brügge mjez žerdźomaj stał. Jenički tróšt za Choćebužanow su pjenjezy, kotrež z transfera mjez zwjazkowym koparskim ligistom a šěsnatym tabulki Jupiler Pro League dóstanu. „Nam bě stajnje wědome, zo njedamy Lennarta na zakładźe zrěčenja bjez porjadneho zarunanja ćahnyć. Runočasnje přejemy jemu wšo dobre a dźakujemy so za wukony we wrotach FC Energije Choćebuz“, sportowy nawoda Sebastian König wu­zběhny. Tak budźe nětko Toni Stahl stajny wrotar prěnjeho mustwa muži. Swobodnu poziciju na polu wrotarjow pak chce FC Energija sčasom zaso wupjelnić, prócujo so wo aktualneho wrotarja Wacker Nordhausena Jana Glinkera.

wozjewjene w: Sport

Galerija

dalši wobraz (1) Felix Geisler Foto: Georg Zielonkowski
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND