Mały jubilej njemóža lětsa swjećić

srjeda, 13. meje 2020
artikl hódnoćić
(0 )
Před Trjebinskim Šusterec statokom – tón wobsteji mjeztym dźesać lět – dopomina drjewjana skulptura na ludoweho hudźbnika Hanza Šustera, kotruž sej wopytowarjo, kaž tule dźěći před lětomaj, rady dokładnje wobhladuja.  Foto: Jost Schmidtchen Před Trjebinskim Šusterec statokom – tón wobsteji mjeztym dźesać lět – dopomina drjewjana skulptura na ludoweho hudźbnika Hanza Šustera, kotruž sej wopytowarjo, kaž tule dźěći před lětomaj, rady dokładnje wobhladuja. Foto: Jost Schmidtchen

Před dźesać lětami je Domowinska skupina Trjebin kluč za tamniši Šusterec statok dóstała. Mały jubilejny swjedźeń pak dyrbi bohužel wupadnyć.

Trjebin (JoS/SN). W „zelenym srjedźišću“ Trjebina su před dźesać lětami bydlenski dom a pěc znateho dudaka Hanza Šu­stera znowa natwarili. Dojednane bě to w „Trjebinskim zrěčenju“ z energijowym koncernom Vattenfall.

Kładźita chěža (Schrotholzhaus) ste­ješe něhdy we wjesnym dźělu Trjebina Za Goru (Hinterberg) na kromje Zwěrjenca. Twarjena bu wona před 200 lětami bjez hozdźi a cementa. Runočasnje su před lětdźesatkom bróžeń z dalšeho statoka přenjesli a rekonstruowali. Ansambl chěžow twori wot toho časa Šusterec statok­. Widźeć su tam dopomnjenki na Hanza Šustera, kiž bě jako dudak posledni zastupnik dołheje swójbneje tradicije a scyła posledni awtentiski serbski lu­dowy muzikant w Slepjanskim regionje. Nimo toho maja na statoku stare ra­tarske mašiny, w bróžni je k dopomnjeću na Trjebinsku šulu rjadowniska rumnosć zarjadowana, kajkuž tehdy tam mějachu.

wozjewjene w: Towarstwa
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND