Ptački wčera w sakskej stolicy kwasowali

póndźela, 01. februara 2021
artikl hódnoćić
(0 )
Impresije lońšeho ptačokwasneho ćaha po Drježdźanach su lětuši wirtuelny swjedźeń Stupdalnikow wčera wobrubili.Bosćan Nawka Impresije lońšeho ptačokwasneho ćaha po Drježdźanach su lětuši wirtuelny swjedźeń Stupdalnikow wčera wobrubili.Bosćan Nawka

Drježdźany (SN/bn). Tež w sakskej stolicy su lětsa wospjet serbski dźěćacy ptači kwas swjećili – wobstejnosćam wotpowědnje we wirtuelnym swěće. Něhdźe sto wobdźělnikow je swjedźeń wuhotowace Drježdźanske towarstwo Stup dale na wčerawšej digitalnej premjerje zličiło.

Program běchu Zuzi Budarjec, Gabriela Ničcyna a Silwija Streicherowa zestajeli. Na spočatku předstaji so kwasna kapała, w kotrejž mjez druhim baćon na bijadle, kós na keyboardźe a zyba na saksofonje hraja. Karaokeowu animaciju bě Chróšćanski widejowy kružk hižo před dźesać lětami produkował. Runja tamnym pěsnjam, kotrež su we wobłuku třištwórćhodźinskeho programa spěwali, hodźi so filmčk na Youtube-kanalu Sakskeho wukubłanskeho a wupruwowanskeho kanala naposkać resp. wobhladać.

wozjewjene w: Towarstwa
Prošu přizjewće so, chceće-li komentar podać

słowo lěta 2022

nawěšk

nowostki LND