Wšědny njewšědny Serb a dobra duša był

póndźela, 15. februara 2021
artikl hódnoćić
(0 )
 Alfred Worjech † Foto: archiw SN/ Maćij Bulank Alfred Worjech † Foto: archiw SN/ Maćij Bulank

Hdyž před lětami serbske dźěći w pro­jekće Budyskeho SAEK w Malešanskich kónčinach hibajo so na slědach poslednich Serbow w mjeztym přeněmčenych kónčinach filmy nawjerćachu, bu Alfred Worjech w Brězynje jedyn z portretowanych. Nastał bě film, kotryž zwěčni najbóle serbskeho Serba a najbóle burskeho z ratarjow kołowokoło Hućiny.

Mjeztym je za Domowinu w zastupnistwje hižo njeeksistowaceje Hućinjanskeje skupiny Stróžanske towarstwo Radiška Alfredej Worjechej při jeho rowje poslednju česć wopokazało. Zwěrju sej rjec: Alfred Worjech bě hotowy original, a wašnje, kak běše žiwy, kak dźěłaše a kak serbowaše. Wšo originalnje po Hućinjanskim.

1. decembra 1925 do žiwnosćerskeje swójby w Brězynje narodźeny Alfred Worjech­ bě loni prěni dźeń hód zemrěł. Ludźo, kotřiž su jeho znali, praja wo nim lutu jemu přećelnje a sprawnje wěnowanu wěrnosć.

wozjewjene w: Towarstwa
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND