Pytaja hišće dalše kandidatki poručenje

póndźela, 22. měrca 2021
artikl hódnoćić
(0 )

Předsyda Domowiny z nawodami towarstwow a župow wuradźował

Budyšin (SN/at). Jónu wob lěto zetka so předsyda Domowiny z předsydkami a předsydami třěšnemu zwjazkej přisłušacych towarstwow kaž tež ze župankami a županami. Tónkróć běchu w zwisku z hłownej zhromadźi­znu trěbne wólby jedyn předmjet wuměny (SN informo­wachu).

Dawid Statnik připowědźi po lěće 2011, hdyž bě zastojnstwo wot Jana Nuka přewzał, a po lětomaj 2013 a 2017 nětko swoju štwórtu kandidaturu za poziciju na čole narodneje organizacije Serbow. Kaž su Serbske Nowiny hižo rozprawjeli, předsydstwje župow „Handrij Zejler“ Wojerecy a „Jan Arnošt Smoler“ Budyšin zaměr Statnika podpěrujetej. Změna budźe nastupajo městopředsydu Domowiny z Delnjeje Łužicy. Za tele zastojnstwo kandiduje na namjet Maćicy Serbskeje Hartmut Leipner, takrjec jako naslědnik Wylema Janhoefera. Leipner je přez ewangelske kruhi znaty jako angažowany Delnjoserb a předsyda w Delnjej Łužicy skutkowaceho Towarstwa za spěchowanje serbskeje rěče w cyrkwi.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND