Serbja 3. městno sej zdobyli poručenje

póndźela, 04. julija 2022
artikl hódnoćić
(0 )
Wčera rano su někotři fanojo w Njebjelčicach serbsku wubranku domoj witali. Chětro překwapjeny bě delnjoserbski kopar Christian Rinca (3. wotlěwa). W krótkim wideju jemu nawodnistwo europeady w Korutanskej zdźěli, zo je wón kral třělcow wrotow a sej tuž pokal zdobył, kotryž jemu w Njebjelčicach oficialnje přepodachu.  Foto: Jörg Stephan Wčera rano su někotři fanojo w Njebjelčicach serbsku wubranku domoj witali. Chětro překwapjeny bě delnjoserbski kopar Christian Rinca (3. wotlěwa). W krótkim wideju jemu nawodnistwo europeady w Korutanskej zdźěli, zo je wón kral třělcow wrotow a sej tuž pokal zdobył, kotryž jemu w Njebjelčicach oficialnje přepodachu. Foto: Jörg Stephan

Južny Tirol dobyćer pola muži; pola žonow Korutančanki wuspěšne

Celovcec (SN/JaW). Muske mustwo Južneho Tirola je 4. koparsku europeadu w Awstriskej pola Korutanskich Słowjencow dobyło. Z tym zdobychu sej trofeju wurisanja europskich narodnych mjeńšin 4. króć za sobu. Južnotirolčenjo přewinychu minjenu sobotu domjace mustwo Korutanskich Słowjencow w sportowym parku Welzenegg w Celovcu (Klagenfurt) z 1:0. Z tym zdoby sej domjace mustwo Koroški slěbornu medalju. Serbske mustwo dźěli sej lětsa třeće městno z Němcami z Pólskeje. Wobě mustwje běštej w połfinalu w Sele (Zell) swojim přećiwnikam – Němcy z Pólskeje Južnotirolčanam z 1:2 a Serbja Korutanskim Słowjencam z 0:1 (wjace wo tejle hrě čitaće na 3. stronje) podležałoj.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND