Rěčna krajina w srjedźnej Łužicy rozkćěwa - prěni přewodnik po rěči

Slepo (SN/mb). Za Hynca Rychtarja, nestora slepjanšćiny, běše to jimacy wokomik: Po poł lětstotku w Lipsku, hdźež bě 42 lět jako wědomostny sobudźěłaćer Instituta za sorabistiku studowacych wuwučował, je so předwčerawšim do swojeje domizny nawróćił, hdźež je wčera wječor prezentaciju přewodnika po rěči „Slěpjański rozprajak“ dožiwił. Na sto ludźi bě do cyrkwje w Slepom přichwatało, zo by nowotarski knižny wupłód wo starej narěči sobu dožiwiło. Nastał bě w kooperaciji towarstwa „Kólesko“ ze Serbskim institutom (SI).